Кедь ми прийшла карта

Народна

Кедь ми прийшла карта нароковац,

Став я свого неня дошіковац:

Неню ж ти, мій, неню, вчинь ми таку волю

Підьте за ня служить на ту войну. (2)

Кедь ми прийшла карта нароковаць,

Став я музикантів дошіковаць:

Гей ви, музиканти, заграйте ми чардаш,

Най я си погулям свій молодий час. (2)

Стали музиканти чардаш грати,

Стали ми ся з очей сльози ляти.

Ніхто не заплаче, ні отець, ні матка,

Лем за мнов заплачуть три дівчатка. (2)

А єдна заплаче, бо я її брат,

А друга заплаче, бо я їй сват,

А третя заплаче, бо плакати мусить

Бо вона од мене дитько носить. (2)

Варіянт